【為何深夜總是餓？】

前幾日 NETFLIX 公佈港人煲劇數據，原來香港有唔少「煲劇跑手」，熱衷在新劇推出即日以極速煲劇，勢要領先同好在24小時內追完整季，馬上完食愛劇。其中，就有《深夜食堂—東京故事》！不過，你真的識食嗎？以下呢項日食知識，你又識嗎？

【咩係 Baikingu？點解叫Baikingu？】

我第一次係響中環置地廣場的日式餐廳 ZUMA 見到呢個字，話有 Baikingu brunch。Baikingu，其實係英文 Viking 日文片假名（バイキング）。問題解答左一半，Viking brunch，北歐海盜 brunch，即係咩呢？答案係 buffet。
解答完一個問題，然後又衍生出另一個問題：點解北歐海盜解 buffet？北歐海盜好鍾意食 buffet？其實有段故：話說島國日本天然資源短缺，從來都無 all-you-can-eat 呢個概念。直到二戰後， 1957年，有位酒店老板去到丹麥，先發現原來有呢種飲食方式，大開眼界，決定帶返番日本！但點叫好呢？老板記得丹麥人叫 buffet 做 Smörgåsbord，用片假名讀就係sumougasuboudo（スモーガスボード），咁長，好不利於宣傳喎！頭痕之際，有位員工靈機一觸：當時正上映一套叫《Vikings》的電影，viking同Smörgåsbord都係北歐語系，橫掂日本人都係當新生字咁學，不如叫Viking（バイキング）啦！ 如是者，就用到而家！
順帶一提，Zuma個brunch係好食既！刺身新鮮唔在講，特別推介美食拼盤既三文魚伴芝麻青瓜漬物，當中既三文魚外脆內軟，配埋漬物一流！最近餐廳仲同頂級香檳品牌Ruinart 合作，周末既Baikingu brunch（$538）加140蚊就有可以升級做豪華套餐（$688），有free flow麒麟啤、清酒及"R" de Ruinart NV香檳等等飲料！兩粒鐘飲飽食醉！

ZUMA 週末Brunch資料:
星期六及星期日：早上11 時至3 時任何時間入座用餐兩小時
地址：香港中環置地廣塲5 及6 樓皇后大道中 15 號
電話：+852 3657 6388

【日系秘魯菜？日系巴西菜？】

要知道點解會有日系秘魯及巴西菜的浪潮，又要讀讀歷史。一戰前，1899年，安定繁華的日本人口劇增，政府於是派遣大量日本人到世界各地，當中初初發展的南美洲就最需要人手了——包括秘魯同巴西。至今，呢兩個國家係全球有著最多的日籍移居！當地的日本人就時令的南美食材以日本手法料理，效果出奇地配合，經年發展後就衍生出這種富有異國風味的特色飲食文化。香港都有唔少，例如日系巴西菜有中環的Uma Nota，係全港首間主打巴西風日本街頭小食的餐廳。

【Omacasa？Omakase＋casa！】

而日系秘魯菜就有中環日系秘魯菜餐廳 TokyoLima。最近，TokyoLima 為左慶祝集團成立3周年，決定搞Omacasa豪華晚餐及派對！Omacasa，意思其實係由兩個字組成：第一個字你應該識，係Omakase，日語意謂「廚師發辦」；第二個字係casa，西班牙文意思是「家」。秘魯是用西班牙文，所以Omacasa其實是指秘魯式家常Omakase——反正就是日系秘魯的最高境界啦！餐廳主廚Arturo會帶來創新菜式，包括壽司及充滿精心巧思的Ceviche（檸檬汁浸泡新鮮生魚），配以「虎之奶」（Leche de Tigre，由辣椒、鹽、青檸汁等材料調製而成的醬汁）及牛油果，風味一絕。

TokyoLima Omacasa豪華晚餐資料：
日期︰2017年10月21日（星期六）
時間︰晚上9時至11時
價錢︰港幣550元（不設服務費）
地址：中環擺花街18-20號地舖
晚餐預約︰info@tokyolima.hk

順帶一提，TokyoLima 節目多籮籮，再下一個星期六，10月28日就會舉辦以西方傳統祭典「亡靈節」（Dia de Los Muertos）為主題的盛大派對，可以整夜伴隨著DJ Brahms的熱播拉丁音樂起舞狂歡，並品嚐萬聖節限定特調雞尾酒Casper，以實驗室內使用的玻璃容器奉上，極具節日氣氛！Casper以Jose Cuervo龍舌蘭酒、番紅花糖漿、巴西莓甜酒以及Chambord and Peychaud's苦精所調製而成。入場費用全免，一起狂歡！

TokyoLima 「亡靈節」派對資料：
日期︰2017年10月28日（星期六）
時間︰晚上9時至深夜
入場費用︰免費
地址：中環擺花街18-20號地舖
報名︰rsvp@piratagroup.hk