英國北安普頓郡市政局，早排派工人去到當地嘅Earl Street油雙黃線，呢位工人認真慳水慳力，當路面上嘅垃圾透明，直接喺扁咗嘅汽水罐、煙包、報紙上面油雙黃線。樣衰不特止，家陣仲令到啲垃圾更難拎返出嚟，睇見真係影響市容，使唔使懶到咁呀？

當地居民躁到飛天，認為呢位工人嘅工作態度唔要得，亦有市民指係由於有關當局欠缺溝通，事前冇叫人清潔條路，工人又懶得執完垃圾先油，所以搞成咁。北安普頓郡市政局已經收到投訴，希望佢哋盡快搞返掂，平息民怨啦！