昔日有唔少美國空軍曾經因為壓力同睡眠質素欠佳，導致佢哋犯上嚴重嘅飛行事故，有見及此，美軍於是研究咗招「兩分鐘瞓著」秘技，改善軍人嘅表現。據《Relax and Win: Championship Performance》呢本書引述，美軍經過數星期嘅訓練，就可以將呢招用到爐火純青，就算喺戰場上都包保瞓得著。

要做到兩分鐘瞓著，有以下4個步驟：

第一步：放鬆面部肌肉，包括舌頭、下爬及眼部附近肌肉。

第二步：盡量垂低膊頭，然後放鬆上、下臂。

第三步：深呼吸，放鬆心口，然後到腳(先係大腿、然後小腿)。

第四步：深層放鬆10秒後，最後一步就係乜都唔好諗。

《Relax and Win: Championship Performance》嘅作者Lloyd Bud Winter表示，如果做完以上四步仲未成功，提議幻想以下其中1個環境：

環境一：瞓喺一隻獨木舟上面，條河好靜，周圍乜都冇，淨係得你同埋一片藍天。

環境二：瞓喺一張黑色嘅吊床上面，身處一間黑房。

環境三：10秒內不停同自己講「唔好諗嘢」。

講到連美軍都話Work，無論有冇失眠問題都好，今晚一於試試佢喇！