件事係咁嘅，Barrie不嬲都有買彩券，期期都係買8、14、16同21呢幾個「冧把」，當中兩個數字係阿女生日，另外兩個就係舊屋嘅門牌。日前佢又如常去買彩券，點止喺途中炒車，成部單車解體，仲整傷埋隻腳。

Barrie負傷去到博彩公司嗰陣，已經遲咗15分鐘，搞珠已經開始，估唔到真係中咗佢買開嘅「冧把」，白白睇住1萬鎊獎金刷身而過。本身Barrie就唔飲酒嘅，不過黑成咁，佢決定落酒吧借酒消愁。

返到屋企之後見肚餓，諗住煎塊牛扒吔吓，不過Barrie不勝酒力，期間唔覺意瞓著咗，牛扒煎到燶晒之餘仲著埋火，如果唔係鄰居及時報警，Barrie隨時連間屋都燒埋。佢老人家而家喺親戚屋企暫住，當地社區亦有為佢提供協助，希望Barrie重新振作啦！