哈佬喂就快殺到，唔知大家諗住去邊度應節呢？如果想挑戰吓膽量嘅話，咁機會嚟嘞！大阪環球影城(USJ)喺9月1日至12月20日期間，為大家開設「凶宅」主題酒店房，真係少啲「吉屎」都唔使旨意有覺好瞓！

以失蹤少女為主題嘅「Switches」系列套房，其實自2015年開始已經年年有得玩，不過USJ今年再創新猶，為呢系列嘅套房加入新穎嘅恐怖元素，血掌印、蜘蛛網、蝙蝠、斷手乜都齊，一幅爛牆紙更加睇到人極之心寒。

如果真係可以喺度大覺瞓嘅話，相信得兩個可能性，一係就係你好大膽，否則就係非常眼瞓。唔好講咁多，即刻去片睇睇間房咩料先！