科技日新月異，機械化逐漸普及，唔少外國餐廳已經開始推行機械化運作，基本上係唔需要廚師。估唔到「強國」都追得咁貼，喺深圳有間全機械化食肆，由烹調到清枱都係由機械主理，堅！
呢間餐廳嘅點餐程序，同現時唔少快餐店大同小異，都係透過一部點餐機揀嘢食，唔同嘅係機械化自動烹調。不過最嚇人係食完之後，張枱上面有個清潔制，只要一撳，枱面嘅玻璃就會縮入，順勢推埋啲食具同埋汽水罐落枱底嘅垃圾桶。
係吖，係幾先進，不過唔少遊客試完之後都怕怕，覺得衛生情況唔太理想。睇嚟要全面推行機械化餐廳，仲需要啲時間喎！
網友回應
「一鋪清枱落垃圾桶，即係冇垃圾分類喇！」
「如果機器故障，食緊嗰時自動清枱點算？」
「一吓錯手嘅話，手提電話都冇埋！」
「喺垃圾桶上面食飯？」
「睇到都覺得臭！」
