西班牙球壇盛行姊弟戀,巴塞隆拿後衛碧基就細Shakira 10年,至於佢嘅國家隊隊友沙治奧拉莫斯,就有個40歲嘅女友Pilar Rubio。40歲都仲Keep到咁Fit,拉莫斯果然有眼光!
Pilar本身係一位西班牙電視台主持,喺娛樂圈都有啲名氣,6年前因為歐洲國家盃擔任西班牙國家隊嘅司儀,從而同拉莫斯撻著。Pilar近4年幫拉莫斯生咗3件,最神奇係呢位「美魔女」身形冇走樣,身材仲一樣咁正,橫睇掂睇都唔似40歲喎!