【搶眼之選】
適合女友屬性：女神／待嫁／憤怒中

假如你要求婚、要箍煲、要盡地一煲，La Maison du Chocolat 將會係你既選擇。La Maison du Chocolat 朱古力總廚Nicolas Cloiseau與兩位以牆繪藝術和以描繪動物形態見稱的著名藝術家Alex 及 Marine合作，以冬日星夜作主題，攜手呈獻2017聖誕系列中的精美禮盒：藍寶石閃閃發光般的禮盒，喚起夜空中耀眼閃爍的光芒，送上浪漫甜蜜的晚上！呢個瑰麗朱古力星星，以全人手製作的限量版聖誕工藝品。以10,000個精美小孔、55顆朱古力珍珠及40片珍貴金箔作點綴，並典雅地安放於朱古力底座上！底座上再放上戒指，PERFECT！

價錢：13,000元，贏回女神，抵吧？

【經濟之選】
適合女友屬性：貼地／體貼／賢惠

常言道，尋覓到一個收到LINDOR就滿足嘅女友，是一種幸福。雖然沒有名師設計，但踏實又有安全感，又有內涵，所以歷久常新，似足巴打你。假如你擁有一位欣賞這樣的你的賢惠貼地女友，LINDOR 軟心朱古力便是滋味之選：幼滑細膩、入口即融、香濃可可、頓時忘卻生活煩惱，享盡屬於你的融心時刻！

價錢：70元 / 200克，實儲到錢買結婚買樓！

【大食之選】
適合女友屬性：大食／顧家／選擇困難

當然，賢惠都可能大食，又想試新野，又唔知點揀好：送個 La Maison du Chocolat 閃爍星光聖誕禮盒就一次過滿足晒所有願望！禮盒內含五款全新聖誕口味：巴西純黑朱古力蓉、四季柑橘朱古力蓉、馬拉渡斯草莓/橙花、柔滑杏仁朱古力，及果仁乾果牛奶朱古力。

價錢：豐儉由人，380蚊(15粒)；750蚊 (40粒)；1,280蚊 (78粒)都有！

【簡約之選】
適合女友屬性：仙氣／日系／文青

總有女友是不沾一分世界俗氣，太有節日氣氛既朱古力唔太適合，但又想為佢送上一點甜？呢款簡約不簡單既得獎日牌朱古力 Minimal 就係你既選擇。從名字到包裝都十分簡約，選取世界各地的可可豆，在日本焙煎、研磨、成形，製作方法以突出各地的可可豆風味為主，屢次在世界朱古力大賽獲獎，成為日本Bean to Bar 朱古力新晉人氣品牌。朱古力的設計也非常貼心，切割成大大小小的長方和正方形，多少隨意選擇！MR 推介口味包括左邊的柑橘果香67%，以玻利維亞的可可製造，相當Fruity，贏得Academy of Chocolate Awards 2017「Bean To Bar (Under 80% Cocoa Solids)」的銀獎！而右邊的漿果風味也不錯，用了越南可可製作，Fruity 中的 Berry 最搶，贏得International Chocolate Awards 2016 - World Final的「Rough ground/textured plain/origin dark chocolate bars」銀獎，同樣有保證！
 
價錢：HK$97-130/包，city’super有售