我知,barber shop 已經唔係新鮮事啊嘛。近一兩年係香港愈開愈多,吸引到大批男士放棄 salon 改去 barber shop 理髮,亦有唔少傳媒爭相報導,但當中有幾多人其實只視佢為一個新興嘅潮流,等熱潮退去就絕口不提呢?今次 MR 就專誠去左城中3間各具特色嘅 barber shop 採訪,由幾位資深嘅 barbers 分享其實男士理髮廳並唔係一瞬即逝嘅潮流,而係一種經得起考驗既文化。