試諗吓喺街上撞到1位球星，然後佢去你屋企食飯，之後仲同你打陣機先走，而呢位球星更加係世界盃冠軍成員、效力車路士嘅簡迪，係咪好似發夢一樣先？
呢單嘢堅過石堅，話說呢位法國球員日前喺倫敦miss咗尾班地鐵返唔到屋企，於是就去咗清真寺祈禱，撞啱有位叫做Abzzy Rahman嘅球迷見佢無家可歸，於是就半開玩笑咁話邀請簡迪去佢屋企食飯。
估唔到身價億億聲嘅簡迪一口應承，跟咗位球迷返屋企食咖哩，然之後齊齊睇足球節目，最後仲一齊玩PS4添！又好波、又謙虛、又冇架子，呢啲咁親民嘅球星喺邊度搵呀？
