新宿係日本最旺嘅地方，唔少大樓外牆都有各式各樣嘅廣告，而喺新宿西口 JR 站附近嘅一棟樓宇中間，最近就有個嚇死人廣告。呢個長形位置有塊螢光幕，螢幕上面投放住貌似係一個女人嘅半邊面，死氣沉沉咁望住條新宿大街。

最奇怪係，呢個廣告係冇任何宣傳標語，根本唔知佢想推廣啲乜，而喺日頭時間就更加係冇呢個廣告，即係話你唔知呢個咁嚇人嘅廣告幾時會出現，真係睇見都驚驚。