LEGO經過一年時間設計、籌備，LEGO百獸王終於發放一系列產品照，相信各位百獸fans等到頸都長埋，宜家就同大家欣賞一下百獸王嘅英姿！
以經典卡通《百獸王》作為藍本，LEGO官方根據LEGO迷Leandro Tayag嘅作品加以改良、調整，最後推出更細緻同可動性更高嘅百獸王。套裝由此2321塊LEGO組成，可組裝成5隻獅子機械人，合體成百獸王後更可高達40cm，係LEGO界算係「高人一等」。
LEGO百獸王將於8月1日係官方網站發售，售價180美元，有興趣嘅「百獸迷」記住mon實LEGO官網喇！
