係美國，連身服可分為Coverall同Overall兩種不同設計。Boilersuit（Coverall別稱）係一件衫褲相連嘅one piece工作服，鬆身、有袖，主要作用係避免以前工人爬入蒸汽機時煙灰進入衣服，後來亦成為不同工種嘅工作服。而Overall係指冇袖嘅連身服（即工人褲），可稱為「Bib-and-brace」。兩種連身服貫徹咗工裝傳統，多袋而耐用，材料方面以Cotton同Denim為主，亦慢慢成為時下潮流服飾。

Boilersuit其實係搭襯上好難有太大變化，如果想突出自己，可能要係材料、款式、顏色等方面花下心思，而鞋嘅選擇亦可展示唔同風格。以彭于晏呢身Lee x Marvel Comics牛仔連身服為例，搭配黑色皮boot，簡單型格，但不能不承認係佢先咁型。

如果認為carry唔到彭于晏嗰身打扮，咁不如參考一下佢老友樂囝。相比起彭于晏，樂囝較多Accessories作為點綴，例如太陽眼鏡同衣領嘅襟章，加上著住New Balance M990，一身街頭風格似乎更適合香港人。