講到南韓國家隊，個個第一時間都會諗起孫興民，不過經過今屆世界盃之後，趙賢祐已經成為國家隊新希望同焦點！無他嘅，呢位「Oppa」青靚白淨，全場波左飛右撲之後個髮型依然Keep到，唔少人都話佢勁似南韓音樂製作人朴宰范(Jay Park)，不過最多人談論嘅，係點解佢會白到好似用完美圖秀秀咁款，有網民直情留言話：「佢用咩粉底架？」

實情趙賢祐係冇化妝，白淨肌膚係天生，加上成日敷Mask，恨唔到咁多架喇！雖然佢個樣唔似乖乖仔，但查實佢係正宗「愛妻號」嚟，兩年前同女友熙英結婚，仲將老婆個樣紋咗喺手臂度，舊年仲榮升埋老竇，周不時都會Post BB嘅相上Instagram，正式係Family Man嚟。

現年26歲嘅趙賢祐，家陣喺南韓國內踢波，效力大邱FC，不過以佢今屆喺世界盃嘅出色演出，相信好快會有大把歐洲大球會向佢招手，而佢自己亦都想出歐洲搵食，肯定前途無限，加油呀！