C朗33歲Fit爆之謎，係一眾傳媒最鍾意探討嘅題目之一，據《Business Insider》透露，C朗咁Fit主要有3大原因，分別係每日至少瞓8個鐘、食早餐前會操體能、早餐全以穀物類食物為主。不過仲有一個賽前習慣，極可能係C朗長期保持高水準表現嘅主因！

據C朗嘅前曼聯隊友朗尼爆料，每逢比賽之前無論有幾趕，C朗都一定要對住塊鏡照吓佢啲腹肌自High，係名副其實嘅自戀狂：「以我所識嘅人入面，計自戀程度嘅話，C朗認第2，相信冇人夠膽認第1！」可能正正係呢份自戀，令C朗自信心爆棚，落到場自不然愈戰愈勇。