復古風大行其道,板鞋龍頭Vans當然唔執輸,將軍事元素注入滑板鞋,係7月再度推出「Vintage Military|復古軍事風」系列,絕對係軍事迷嘅好消息。
今次復刻Vans主要以Sk8-Hi同Authentic兩個經典鞋款作為藍本,設計出Sk8-Hi 138以及Authentic 138,並換上半月形凹凸橡膠鞋面,不但提升鞋頭耐用性,更將上世紀軍事訓練鞋重現眼前。
正所謂「魔鬼藏在細節裏」,為增加復古味,鞋嘅橡膠位置都採用米白色處理,以麂皮打造鞋面,Authentic 138更換上金屬鞋帶孔,令成對鞋質感昇華。
可能受到傳統工裝影響,配色方面都以軍綠、軍藍、灰色作主調,相當令人期待。