夏威夷恤衫顧名思義係起源於夏威夷，目前係當地製造業出口極高嘅紡織品，但可能好多人都唔知，第一個出售Aloha Shirt嘅並唔係夏威夷人，而係日本移民宮本長太郎兒子係1935年出售，佢以日本傳統和服布料揉合夏威夷農民著嚟耕田嘅恤衫，成功製作出第一件夏威夷恤衫。

Aloha Shirt主要係短袖有領，多以花卉同波利尼西亞圖案作設計，而且顏色鮮豔，所以好多人會覺得太嘩眾取寵而卻步。其實現時嘅夏威夷恤衫已經好多變化，不論圖案豐富或淨色都有，適合風格各異嘅人士。

啱啱上手嘅就建議選擇啲顏色比較單調而且較少圖案嘅恤衫，例如上圖以藍染上色嘅恤衫，與傳統夏威夷恤衫相比較沉實，下身可襯軍綠或卡其色短褲，充滿日系風格。

如果比較大膽嘅話，不妨試下配色同圖案都較豐富嘅恤衫，以鮮紅為底色加上不同顏色花卉圖案，盡顯夏日風情，建議下身除可配搭淺色長褲外，亦可穿著黑色Chino Pants，相對更加型格。