由於涉谷有好多餐廳、酒吧同 Club，所以係一班年青人嘅蒲點，街道難免會有垃圾。查實喺兩年前，一班後生仔已經打扮成日本傳統武士，自發性喺涉谷街頭執垃圾。

呢班武士叫「Gomihiroi Samurai」，即係執垃圾武士，佢哋嘅執垃圾風格非常獨特，即使夾起路上嘅汽水罐，都夾到好似比緊武咁，係型嘅！而隨住日本近年愈嚟愈多遊客，執垃圾武士嘅「勢力」逐漸強大，唔單止喺涉谷，就連池袋都見到佢哋嘅身影。