利物浦前鋒沙拿眾望所歸，砌低迪布尼同哈利卡尼等球星，榮譽應屆英格蘭球員先生，成為歷來首位埃及球員獲得呢項殊榮。

沙拿喺巴素利成名，之後喺車路士鬱鬱不得志，都唔知幾多人話佢「冇料到」、「呃人工」。不過沙拿用行動證明自己嘅身價，喺意甲費倫天拿同羅馬重振聲威，載譽回歸英超。卒之今季喺利物浦大放異彩，迄今喺聯賽射入31球，平咗英超單季入球紀錄。現年25歲嘅沙拿憑藉神級演出，征服全球Fans。

其實做人同踢波一樣，外表討唔討好、有冇輝煌戰績都唔重要。最緊要係默默耕耘，專注自己嘅事業，咁先為之爭氣，咁至係真真正正嘅MR！