究竟係咩帽咁勁一推出市場就有 30 萬美元 (約 $230 萬港元) 收入? 如果係一間時裝公司推出一款帽而有呢個營業額，你可能會話：「有幾出奇」，但如果係一間完全唔關時裝的公司，仲要係一間關於地底交通的公司，你又點睇呢?

呢一項帽係由一間叫 The Boring Company 的地底交通公司所推出，呢一款完全無關主要業務痛癢的帽竟然可以係短時期內有 $230 萬收入，吸引之處係咩呢? 設計? 應該唔係! 應該係嚟自呢間公司的老闆 Elon Musk。佢咪就係有現實版 Ironman 之稱，著名電動車品牌 Tesla 的老闆。 

The Boring Company 一向都鐘意以幽默方式公布消息，而今次係網站上突然發售帽子已經令人喜出望外，再加上短時間內有呢個收入，不得不讚 Elon Musk 的吸金能力同頭腦。 Elon Musk 仲係 Twitter 公布今次賣帽所賺的錢，笑言輕輕鬆鬆賣帽都賺 $200 萬，真係容易。