首先同大家睇下Home Screen。講真，睇落分別不太大。以大家都係6行嘅情況下，iPhone X睇落感覺比較舒服，勉強叫做多啲空間。

跟住同大家一齊睇下Facebook。可視範圍其實都真係相差好少，但螢幕色溫明顯有分別。三部當中以iPhone X最暖，而右手邊的iPhone 7 Plus則最冷。在螢幕最光的情況下，iPhone 6s明顯比較暗淡，但沒有過份偏黃或藍。而iPhone7 Plus的冷色在比較下，顯得有點奇怪。

至於在全螢幕下在Facebook睇影片，iPhone X未有明顯優勢，全屏功能未能完美地發揮，乍看之下同iPhone6s的大小沒有分別。不過iPhone X的顏色明顯比較飽和，iPhone7 plus繼續有點出乎預期的差。

睇Youtube影片時，iPhone X都未能自動把片擴大至全屏，與剛才的Facebook影片情況一樣。兩邊都位置留空下，無咗Home Button都未見能為螢幕有太大的空間增加。

總括來說，iPhone X全屏化的確在外觀上非常吸引，可是實際用途上未見有太大的發揮，但螢幕的質量是有進步的。比較下，iPhone 6s其實在各方面下都有唔錯嘅表現，呢個反而令MR編輯有所驚喜。