有冇當年因為你阿媽嘅一句:「啲黑膠碟咁左定,掉晒佢啦」,如果你有掉晒啲碟,睇完以下嘅內容,就千祈唔好返屋企同你阿媽計數。潮流向來都喺循環嘅,10 幾年前送都無人要嘅舊黑膠碟,近幾年再度成為市場熱炒嘅產品。我係 4 年前加入玩黑膠行列,主要玩粵語流行曲同時代曲。呢幾年我從二手店,網上拍賣及朋友送贈等渠道,收藏咗一啲黑膠碟。今個星期我上網 check 吓自己啲黑膠碟市價,竟然嚇咗一跳,有啲黑膠碟片比起我兩三年前買入時,價錢升咗幾百個 percent。想買到筍嘢嘅話,就要周不時到網上同二手唱片鋪貢吓,同啲志同道合吹吓水了解行情。不過我就一直只抱著聽歌嘅心態,去買一啲自己鍾意嘅歌手和唱片。買二手黑膠碟唔怕買貴,最怕買錯,因為而家嘅二手黑膠碟,好似古董咁,收藏嘅人越來越多,數量就越來越少。

TEXT / Edwin