煲劇已經成為唔少人嘅日常娛樂，鍾意煲劇嘅你最近一定有睇過熱播嘅《魷魚遊戲》（Squid Game／오징어 게임），焦點一定都放咗係眉清目秀嘅李政宰上，劇中嘅佢係個孤獨嘅角色，同佢現實截然不同，但其實佢係一個習慣孤獨嘅人，「寂寞已成為了我生活的一部份。我習慣了孤獨，也很享受寂寞。每天，我都到健身房做運動。有時間的話，我會看電影，閱讀。心血來潮的時候，我會在家裡弄意粉和risotto給自己吃。」

睇黎李政宰係佢Me Time嘅時候都有好多野做，唔知你地嘅Me Time又鍾意做啲咩呢？

《魷魚遊戲》作為近期討論度極高嘅一部作品，網上已不時流傳各種「椪糖」圖案嘅二次創作，早前更加登上全球戲劇排行榜冠軍。除咗線上熱潮，《魷魚》嘅影響力更蔓延至韓國股市，帶動埋韓國媒體股嘅股價。

影帝級人馬李政宰，今次係劇中飾演欠債纍纍、失去工作加上婚姻失敗嘅「成奇勳」，走上了參加殺人遊戲嘅道路，同佢過往演出又帥氣、成熟、充滿霸氣嘅角色大相逕庭。不過根據線上嘅反應，睇黎觀眾對佢今次嘅表現都好滿意。