1. 鄭伊健

叫得浩南哥，唔搞下造型點得呀？至於點解伊健會留長頭髮，大家可以睇返電影《春嬌與志明》，聽聽佢嘅「前女友」余春嬌點講。

2. 周柏豪

雖然柏豪最為人津津樂道嘅係佢個「比比鳥頭」，不過論佢出道以黎最時尚嘅髮型，一定係佢唱《Smiley Face》同《金》果期個長髮 look。將把頭髮夾攣再放落黎又得，紮起之後兩邊剷青又得，得咗。

3. 金城武

雖然審美眼光係好主觀，但係當你問十個女仔有咩亞洲男星留長髮又好靚仔，而佢地全部都會答你金城武時，到果一刻你應該會明白到世上係有人「好客觀地」靚仔。

4. 木村拓哉

如果要數日本藝能界最 carry 到長髮嘅男神，實在係諗唔到有咩原因唔數木村。大家成日以為要米九咁高先可以留長髮，但其實只要識得 mix and match 令成個人嘅比例好睇 d，再襯返個接近到肩嘅長髮，其實成件事一樣都係無得輸。

P.S. 唔爭氣地一路搵圖一路諗起達哥，不過講真嗰句「木村達」把長髮都算留得好睇。

5. G Dragon

當一個鐵夾可以賣到幾百蚊，試問依個世界有咩野係 GD 做唔到？如果佢把長髮同個鐵夾你夠膽話唔潮，難免係會令人質疑其實唔潮果個係你。

同場加映：GD 自家品牌 PEACEMINUSONE 鐵夾，盛惠 USD30.08！

6. 張國榮

咁多位男士當中最長頭髮嘅一位，Lesile 雖然已經離開大家一段時間，不過佢係演藝方面嘅才華至今依然令人好懷念，而且睇返唔少訪問，都不難發現佢成個人真係行得好前，好似依把長頭髮就係其中一個例子。