幾時都話機甲動漫係大男孩既best friend，高達、新世紀福音戰士、攻殼……人越大面對越多現實問題，就越想重投細個無憂無慮睇動漫既日子。

ASICSTIGER就食正呢種心理，同FOOTPATROL合作推出聯名GELSAGA鞋款，向90年代大家睇過、熱血過、感動過既機甲動漫時代致敬。今次新鞋用咗金屬藍撞太空灰打造機械裝甲味，FOOTPATROL既防毒面罩係正鞋舌正面，最有心思既係橙紅色印住「TJG-487」既鞋帶尾，真係識貨之人先會知呢個小細節就係91年對原版以高達裝甲為靈感既產品代碼。品牌仲特別製作咗一段動畫向當時既GELSAGA 1 OG致敬，果種錄影帶質感真係將二次元既回憶帶晒返黎！新鞋將會係8月11日係HBX上架，定價$1,090。