Game 界年度大作《FIFA19》將會喺 9 月 28 日全球上架，新元素除咗話攞到中超、歐聯同歐霸盃版權之外，最令人期待係究竟有咩退役猛將登場。EA Sports 日前公布咗一班將會登場嘅傳奇球星，包括有巴治奧、告魯夫、李華度、簡拿華路、馬基列尼、謝拉特同林柏特等等，正呀呢？不過最正嘅係，EA Sports 幫全球球迷解答咗一個世紀難題，就係謝拉特勁過林柏特！