家陣個個都係低頭族,邊食飯邊玩手機就梗,日本 KFC 就認真貼心,竟然諗到推出呢款「三指手套」,方便大家邊食雞邊玩手機,都唔驚整污糟。
呢款新手套喺 7 月 27 日已經推出,不過唔係跟餐就有,要特登問職員拎先有。新手套叫做「Yubi Kirei」,意思即係乾淨手指咁解,同舊嘅食雞手套嘅分別,在於無名指同尾指係外露,等大家可以篤電話同掂私人物件。唔知香港幾時會引入呢?