Healthknit早在1900年係美國誕生，當時以舒適、耐穿聞名全美國，其最受歡迎嘅產品就係專為美國工人以設Henley Shirt，憑「重磅、靚料」成為Healthknit嘅王牌。隨後1990年Healthknit曾經破產，由日本人收購後再度面世，無論係製衣、剪裁，以及材料（Open-End紗線，以空氣紡織技術所製成）都跟足舊版，加上Made in USA，絕對係信心嘅保證！

同樣係美國牌子，Goodwear相對比較年輕，至今只有35年歷史，堅持用美國原產Cotton製作T-Shirt同衛衣，由材料到生產都Made in USA，亦係Goodwear引以為傲嘅地方。Goodwear所製作嘅T-shirt可以話「重量級」，不論係Henley Shirt定Crew Neck T-Shirt都有7.2 OZ，俾人一種厚實挺身感覺，加上有唔同剪裁設計，適合身型各異嘅人。

其實「U記」UNIQLO係今年出咗一款性價比極高嘅淨色tee－U Crew Neck Short-Sleeve T-Shirt。與以往較貼身舒適嘅剪裁唔同，新款比較寬鬆，質地厚實，著上身時挺身唔易皺，加上極多顏色如：白、灰、黑、紅、藍等，任君選擇。如果嫌Made in USA太貴，U記肯定啱大家心水。