近年愈嚟多人入籍日本，無他嘅，環境好、嘢食好味，邊個唔想喺嗰度落地生根吖？不過對於嚟自瑞典嘅 Jakob Sebastian Björk 嚟講，佢反而係因為鍾情日本傳統園藝，先決定移居日本。

一頭金髮加埋一身爆肌造型，瑞典型男 Björk 橫睇掂睇都唔似係一位花王。呢位美男子早年已經放棄瑞典國籍，歸化日本，目的係長居東洋，將畢生精力獻畀自己最愛嘅日本傳統園藝。

有別於一般日本人，Björk 好鍾意玩社交網站，加上佢外形出眾，份工又特別，好快就引嚟大批日本網民注意，唔止不時獲邀上日本電視節目，仲有雜誌邀請佢做 Model 影相，做花王做到明星咁款，真係夫復何求！