講起日本女神,大家如無意外都浮現出新垣結衣同石原里美呢兩個名,仲會分成兩派係網絡不停護主。雖然佢地都好靚,但係小編心目中女神只有一個,佢就係最近有新戲上映嘅長澤正美!
相信大家第一次接觸「長澤正美」,就係佢《在世界中心呼喚愛》中飾演嘅廣瀨亞紀,當時佢以17歲之齡成為日本史上最年輕最佳女配角得主,深受各地年輕人歡迎。不論係《東大特訓班》中毫無家庭溫暖嘅高中生,定係《信用詐欺師JP》嘅搞笑天才詐欺師,佢都演得駕輕就熟,完全冇規限自己嘅戲路。
但講到最深入人心嘅角色,一定要數到小編嘅至愛《求婚大作戰》中嘅吉田禮,戲中佢一直鐘意由山下智久飾演嘅岩瀨健,但兩人都唔敢同對方表白,最終選擇放棄並同多田老師結婚,見到佢地兩個係劇中不斷錯過對方,真係睇到揼曬心口,同時帶出青春唔會有第二次機會重頭嚟過,要好好把握當下。
長澤正美一向都係影、視兩棲,近年都拍咗唔少電影,其中包括美女雲集嘅《海街女孩日記》、人氣漫畫改編嘅《銀魂》同最近上映嘅《50次初吻》,可以話拍戲拍到冇停手,更由當初青澀嘅偶像派轉變為演技出色嘅實力派。
新戲簡介:
花心型男大輔(山田孝之 飾)是夏威夷的導遊,經常藉工作結識女遊客。直至他邂逅氣質甜美的日本女子瑠衣(長澤正美 飾),對她一見鍾情,更相約隔日見面。但當兩人再碰面時,瑠衣竟完全忘記大輔!原來她因為車禍後遺症,每日都會失去前一天的記憶,她的時間永遠只停留在車禍發生前一日。於是,墮入情網的大輔為了幸福絞盡腦汁,每日重新結識她,讓她重新愛上他……