LeBron James係當今NBA第一人就眾所週知，但大家可能唔知道佢著衫都有一手，仲鐘情於美國時裝品牌Thom Browne。

「咖哩仔」Stephen Curry場內表現瘋狂，場外穿搭同樣引人注目，一身黑紅運動型西裝，再配以橫間T Shirt及白波鞋，完美展示何謂smart causal。

騎士隊第二號人物Kevin Love可能場內俾「大帝」搶曬風頭，但比賽以外完全唔輸蝕。淺灰Polo Shirt、灰色西褲加高筒波鞋，以不同深淺嘅灰色造做層次，再戴埋副斯文眼鏡，冇咁上下身型都carry唔到。

相信大家對Nick Young都毫不陌生，佢就係網絡上無人不曉嘅「黑人問號」。平時係場上已成日著潮鞋比賽嘅佢，比賽前一身復古運動風，vintage風褸、白襪，以及呢期好興嘅dad shoes，都咪話唔型！

雖然JR Smith係Game 1最後關頭「出正圈」，斷送騎士隊嘅贏波機會，成為罪人，但其實撇除場上啲蝦碌嘢，佢都係NBA其中一個識襯衫嘅球員。Supreme hoodie配roll腳牛仔褲，簡單但永不過時嘅穿著風格，透露出佢球場外理性嘅一面。