睇睇呢隻錶，係咪好多地方似曾相識，會心微笑？創意無限嘅H. Moser & Cie.繼之前嘅「惡搞版iwatch」Swiss Alp Watch，同「芝士手錶」Swiss Mad Watch後，今日發表咗新作Swiss Icons Watch，將不同名錶嘅特徵結合為一，藉此寸爆現時不少品牌將金錢花喺宣傳同代言人身上，忘卻製錶工藝嘅基本初衷，同時向光耀嘅瑞士製手錶名作致敬。

呢款咁獨特嘅手錶只此一枚，會喺SIHH期間展出，之後進行拍賣，所得金額捐贈予瑞士製錶文化基金會，支持製錶業學徒制，捍衛工匠技藝。