前兩日有報道指 G-Dragon 係南韓著名豪宅區清潭洞買入一棟價值 88 億韓元 (大約 $6000 萬港元) 的豪宅。清潭洞樓價高一向大家都知，但係點解 GD 呢一棟要 88 億呢? 原來呢棟豪宅大有來頭，由韓國著名設計事務所 L'EAU 全權設計，靈感取自《Alice’s Adventures Under Ground》並且名爲「March Rabbit」。根據 L'EAU 所指，「March Rabbit」的設計係好似《愛麗絲夢遊仙境》當中的「三月兔」勾起了愛麗絲的好奇心，將佢引入奇境之中，而呢棟「March Rabbit」就係要激發你的想像力，顛覆日常生活中見過的樓房，創造出一個前所未見的世界。

由於「March Rabbit」係位於首爾清潭洞的小路旁邊，設計師係 2013 年開始設計時，一方面可以令建築物可以呼應其周邊環境，同時要設計一個獨特的風格去激發成條街道的活力。同時，因為建築師想建築物可以有不同的可能性，所以建築師當時靈活地將內部空間劃割成大小不一的多個部分。因此，從遠處望向建築時，其實感情好似一棟層層由好多不同外型大少的房屋堆疊而成。而「March Rabbit」的三角屋頂設計，明顯希望同社區其餘的房屋設計相若作出呼應，但全白色的外觀向高低不同的交錯，正好突顯「March Rabbit」的活力。

所以呢棟「March Rabbit」需要 88 億韓元除咗因爲地段，最大原因就係當中的設計，而設計藝術從來都好難用統一標準去釐定價格。正所謂各人有各人喜好，可能 GD 好鐘意睇《愛麗絲夢遊仙境》又話你聽咩! 

資料和圖片來源：http://www.gooood.hk/