瑞典極限滑雪運動員 Jon Olsson，另外仲有一個身份，就係改裝車迷，而因為改裝車而認識佢嘅人，可能比起佢係運動員而認識佢嘅人仲要多 (細聲啲) 。

佢最近嘅最新作品就係呢架2015登場嘅 Mercedes-Benz G500 4×4² 。上個月 Mercedes-Benz 就宣佈將會停產呢架被譽為史以來最強悍的 G-Model。Jon Olsson 今次搵嚟荷蘭改裝車廠 Absolute Motors 將愛車加入引擎蓋防護架、投射燈、車頂行李架、越野胎等等嘅升級裝備。但不得不留意係本身 Jon Olsson 將引擎更強化至 800hp 最大馬力輸出，令呢架本身已經超班嘅 G500 4×4² 變得更強勁。

即刻睇下 Jon Olsson 係片中親身示範佢嘅威力啦！