通常女仔睇足球，十個有九個都係為咗睇靚仔；通常男仔睇網球，十個有十個都真係睇網球，但係呢十個人同時亦係為咗睇靚女。網球壇一向不乏靚女，當年的舒拉寶娃， 到近年的伊雲洛域，佢哋嘅美貌同比賽時嘅健康性感，一直都係男生們睇網球賽時嘅額外福利。要數到近年較多人討論嘅網球界新一代美女，一定係加拿大嘅代表－寶釵 (Eugenie Bouchard)。

首先，要表揚一下翻譯嘅朋友，因為係華人社會當中一定會聽過「寶釵」呢個《紅樓夢》嘅主要人物嘅名字。 一方面易入腦，另一方面亦能夠充分代表寶釵 (Eugenie Bouchard) 嘅美貌。今年23歲嘅寶釵來自加拿大，擁有1米78的 model 身型，加上甜美嘅樣貌，真係迷死唔少男人。

不過，寶釵除咗因為球技同外貌而吸引大家注意之外，較早前一件同粉絲係Twitter嘅互動，亦令世界各地傳媒報道呢件事。事緣係一名粉絲在Twitter上與寶釵打賭一場美式足球的賽果，如果果名粉絲勝出的話，寶釵就要願賭服輸同佢出街。結果呢場打賭真係比個粉絲贏咗，而寶釵真係同佢成功約會去咗睇一場NBA賽事。呢件事出咗街後，當然成千上萬嘅男人都好羨慕呢個粉絲嘅經歷，同時亦大讚寶釵玩得，成功再俘虜一班新粉絲。